කදුලූ උණන නුබේ දෙනෙත - පල්ලිය සහ ගබ්සාව

දවසෙ කුලියට

 අම්මා එලියට ගිය කළ

ගෙට සක්මන් කල මාමා නූබේ කාමරේ අගුලූ දැම්මම

උදේ රෑ කන බත් පත අම්මා දුන්නාට

ඉන්නෙ උගෙ ගෙයි නිසා

පොඩි අක්කා කට තද කරන් තිරිසෙනෙක්ට ඉඩ දුන්නද

ඉස්කෝලෙ යන්නට කලියෙන්

පුන් සදවන් නුඹෙ රුව

 ඉරි තැලූ විදූරුවෙන් හැඩ කරගන්නා මගේ පොඩි අක්කේ

අද නුඹ

ඉරි තැලුණු වීදුරුවෙන් එහි හැඩ වෙනස් වී ගිය හැටි දැක

කදුලූ උණන උබේ දෙනෙතට

දුන් කදුලට සාප වෙයන් උන් හට

උන් උන් නොහදුනති අක්කේ නුබේ ලස්සන හීන

නූඹටත් ඕනෙ නැති බව ඇත්ත 

හැමදාමත් කදුලේ විදවන්න

උඹටම අයිති නැති එකෙක් උබේ කුසේම තියා ගෙන

උබ කොහොමද අක්කේ ජීවත් වෙන්නේ 

 වෛරයකින් ඌ එක්ක

නුබේ යහළු යෙහෙළියන් කැල

 පෙම්වතුන් හා උන් තුරුලේ නේද

අගුළු දා වුන් දොර නෑරපන් අක්කේ උඹට අසුභයිලු ඒක

මේ ආත්මෙදි දෙවියෝන්ගේ සැලසූමේ

 නුඹ ගැන තිබිලා නෑලු එහෙම

පල්ලියේ ෆාදර් කිව්වේ මට ඒක 

ෆාදර්ගෙ කාමරේදි දවසක

ප.ස. - හැම මවකගේම කුසට බිළිදෙක් රෝස කැලෙන් නොයෙන්නේය. කටු පදුරු,තණකොළ,වන ලැහැබ තුළ හිල් වූ කොපු තුලින් බිළිදෙක් එවැනු ඇත. ඒ සුන්දර ජීවිතය අපායක් කෙරුමට පල්ලියට කිසිදු අයිතියක් නැත.  දාරක ස්නේහය උතුරා ගියාවුද...මහත් වූ පුත්‍ර සෙනෙහසකින් සිකීමක් සිදුවනු නැත......එසේ කරන්නෝ වෙතොත්. ඔහුන් රොබෝ වරුන් විය යුතුය. එනම් ලිංගිකව එකතුවීම හා අනේපේක්ෂිත ගැබ් ගැනීම යනු දෙකකි. එය කිසිදු විටකත් එකක් නොවන්නේය. ගබ්සා කිරීමට නීතිමය ලිහිල් භාවයක් අවශ්ෂ්‍ය වන්නේ ඒ නිසාය.
                                                        දැනට සිරි ලංකාවේ දණ්ඩ නීති සංග්‍රයේ  303 වන වගන්තිය අනුව "කළලය මවගේ ජිවිතයට අනතුරක් වනවානම් පමණක් ගබ්සාවක් කළ හැක" එහෙත් ප්‍රායෝගික ලෝකය තුල එම නීතිය තව දුරටත් ලිහිල් කල යුතුය. එනම් අබාධිත (මන්ද බුද්ධික) හෝ අපහරණට ලක් වීම මගින් පිළිසිද ගත් කළලයක් වෙතොත් ඒ සදහා ගබ්සාවක් සිදුකිරීමට නීතිමය පරිසරයක් සෑදීම අනිවා‍ර්ය විය යුතුය.                                                                           එහෙත් ඊට දැඩි ලෙස ප්‍රතිවිරුද්ධ අදහස් දක්වන කාදිනල් තුමන් මන්ද බුද්ධික දරුවන් වුවද. ඒවා සියල්ලක්ම දෙවියන් වහන්සේගෙ සැලසුමක් බව කියා ඒවා විනාශ කිරීම දෙවියන් වහන්සේට කරන අගෞරවයක් යන ප්‍රලාපයක් සාමජගත කරමින් ඇත. එහෙත් ඉන් විනාස වන සුන්දර තරුණියන්ගේ අනාගතය කාදිනල් තුමන්ට නොපැනුණත් මහ පොළොවෙ ඇවිදින අපි වගේ එවුන්ටනම් ඕනෑතරම් දැකිය හැක. එය සංස්කෘතික හා ආගමික ළිං ගෙම්බන්ගෙන් පිරි අප වැනි තුන් වැනි ලෝකයේ රටවලට බරපතළ මට්ටමේ ඛෙදවාචකයකි.

                                            යම් වු සුළු අත්වැරද්දකින් ගැහැණියකගේ ජීව්තය ඉන් මතුවට විනාස කිරීමට තරම් කෲර වීමට කාදිනල් උතුමාණන්ට තියා ජේසුස් ක්‍රිස්තුස් වහන්සේටවත් නොහැක. පල්ලියේ නීතිය කතෝලිකයන්ට පිළිගත්තාට කම් නැත එය ඔහුනගේ නිදහස සහ අයිතියයි. එහෙත් ඒමගින් රටක නීතිමය මට්ටමකට බලපෑම් කිරීමට පල්ලියට ඇති සදාචාරත්මක අයිතිය කුමක්දැයි මම නොදනිමි.

-රෝමාන්තික රස්තියාදුකාරයා-

RomanthikaRasthiyadukaraya/facebook