09 October 2017

කබ්බොත් රගන ගොබ්බ යහපාලනය ("දි එයාර්පෝට් වැසීමෙන් පසු" ටෙලි කතා නාටකය)


                                                  දෙල් ගහ යට ලියද්දේ කෝපි කඩේට මරලියා එක්ක ගියේ කෝපී එකක් කා බුලත් විටක් බීමටය ඊට ඉස්සරින් සිරිමත් මදන මෝදකයක් උඩු හක්කේ රුවා ගෙන සිටීමට අපි අදහස් කළෙමු. සිරිමත් මදන මෝදකය තෑපෑලෙන් පුල් සැන්ටි මැන්ටල් වන අල්ල පනල්ලේ මර්තේලිස් මාමා පත්තරයේ පුල් පිටුවේ වූ හොර පාස්පෝට් ගසා  ව්‍යාග්‍රා පෙති රට පැන්නවීමේ රුසියානු කුමන්ත්‍රණයට සම්බන්ධ පංචායුධ වීරේට නොදැන කළ අකුසලයට ඇපල් හම්බුවීම නිසා මහත් චිත්තප් සන්වේගයකින් බොක යන තරමටම හද්ද සෝ බරව විලි බරව කඩේහි වූ සෝමක්කා හා තම චිත්තප් වේගය මුදා හැරියාය.

"බලන්ඩ සෝමක්කෙ මුන් මේ පාරත් අරූව එලියට දාලනේ"

"ඔව්වා ඔහොම තමයි බන්"

                                                         සෝමක්කා වැඩි සීනී ප්ලේන්ටියක් දෙවුන්දර තුඩුවම පේන්න නෑවි  අල්ලා බීඩියක්ද මර්තේලිස් මාමාට පිරිනැමුවාය.
"එහෙමැයි කියලා. දැන් අවුරුදු කීයක් ගිහින්ද බන්..එක තෝරෙක් මෝරෙක් තියා හාල්මැස්සෙක්වත් ඇල්ලුවද"

"ඇයි දුමින්ද අයියව අල්ලලා දැම්මේ"  ඒ මරලියය

"ඔව් යහපාලනෙන් කියලා මිනිස්සුන්ට දැනෙන්න දඩුවමකට දුන්නෙ ඔච්චරයි"

"ඔව් ඉතින් ඒ මදිද මුළු ලයිප් ටයිම් එකේම දුමින්ද අයියා ඕකෙ තමයි"

"ඔව් ඉතින් ඔය හිරුණිකාගේ තාත්තට ඔය උණ්ඩේ වැදුනු නිසා හොදයි. උබේ තාත්තට එහෙම ඔය දුමින්ද අයියා උන්ඩේ තිබ්බනම් දැන් තියෙන සිස්ටම් එකත් එක්ක උබ ඇතුලේ ඉන්න තිබ්බා"

මරලියා විලි බියෙන් ඔත්පලව ගියාය. දෙන දෙයක් කා වෙන දෙයක් බලන් නොසිටියාට ඕකට හොද වැඩේය.

ඉන්පසුව සෝමේ අක්කා හනි හනිකට ගොස් කෝපි කඩේ වූ ටෙලිවීසොනය දමන ලද්දේ රුප්පවාහිනීයේ විකාසය වන "දි එයාර්පෝට් වැසීමෙන් පසු" නැමැති සුප්‍රසිද්ධ ටෙලි කතා නාටකය පටන් ගන්නා වෙලාව එය වූ නිසාය. එය කුතුහලය සහ ත්‍රාස්‍ය, භීතිය සහ පශ්චාත් නූතන ලිබරල් වාදයෙන් සහ ෆැසිස්ට්වාදයෙන් හද්ද ත්‍රිල්බර වූ ටෙලි කතා නාටකයකි.

27 September 2017

බෲටස් නුඹ ඇන්නේ සීසර්ට නොව මගේ පපු කුහරයට

අසුරු සැනකින් ජීවිතය හලන
චුබ්බනයකට ඇහැකිද පියාඹන්න
හෙට වේදිකාවේ සුන්බුන්ව විසිරෙන
අද මා දකිමි ඒ සුන්දර බියගුළු සිහින

සීසර්ට අයිති නුබ ඇතිරිල්ලක
දකිමින සරා සිහින මා සමග

ඇවිදින් සීරුවෙන් හෙමි හෙමින් බෲටස් නුඹ ළගට
බෲටස් උඹ පිහියෙන් ඇන්නේ සීසර්ට නොව මගේ පපු කුහරයට

ලේ නොව එන්නේ කදුලකි සතුටකි
අද බොද වෙන පෙම් සිහින හෙට
වෙනෙකක් ලග සතොසිනි කදුලකි

නුඹ යයි වෙනෙකෙකු එයි මා ලොවට
මා ලොව කිරුළු පලන් එකම කුමරා මමය
තවකෙකු විත් සියුම් පිරිමදියි ඒ මොහොත
දුක නැත පිහි ඇනුමට රිදුම් නැත හදවත

රිදුම් දෙන හදවතින් ලියන මම
-රෝමාන්තික රස්තියාදුකාරයා-

31 August 2017

කදුලූ උණන නුබේ දෙනෙත - පල්ලිය සහ ගබ්සාව



දවසෙ කුලියට
 අම්මා එලියට ගිය කළ
ගෙට සක්මන් කල මාමා නූබේ කාමරේ අගුලූ දැම්මම
උදේ රෑ කන බත් පත අම්මා දුන්නාට
ඉන්නෙ උගෙ ගෙයි නිසා
පොඩි අක්කා කට තද කරන් තිරිසෙනෙක්ට ඉඩ දුන්නද

ඉස්කෝලෙ යන්නට කලියෙන්
පුන් සදවන් නුඹෙ රුව
 ඉරි තැලූ විදූරුවෙන් හැඩ කරගන්නා මගේ පොඩි අක්කේ
අද නුඹ
ඉරි තැලුණු වීදුරුවෙන් එහි හැඩ වෙනස් වී ගිය හැටි දැක
කදුලූ උණන උබේ දෙනෙතට
දුන් කදුලට සාප වෙයන් උන් හට

උන් උන් නොහදුනති අක්කේ නුබේ ලස්සන හීන
නූඹටත් ඕනෙ නැති බව ඇත්ත 
හැමදාමත් කදුලේ විදවන්න
උඹටම අයිති නැති එකෙක් උබේ කුසේම තියා ගෙන
උබ කොහොමද අක්කේ ජීවත් වෙන්නේ 
 වෛරයකින් ඌ එක්ක

නුබේ යහළු යෙහෙළියන් කැල
 පෙම්වතුන් හා උන් තුරුලේ නේද
අගුළු දා වුන් දොර නෑරපන් අක්කේ උඹට අසුභයිලු ඒක
මේ ආත්මෙදි දෙවියෝන්ගේ සැලසූමේ
 නුඹ ගැන තිබිලා නෑලු එහෙම
පල්ලියේ ෆාදර් කිව්වේ මට ඒක 
ෆාදර්ගෙ කාමරේදි දවසක

10 August 2017

රස්තියාදුකාරයගෙ බොලොග් එකට අවුරුද්දයි ( ඉතින් පෝලිමේ වරෙල්ලා කේක් කන්න)

                 
    හරියට අද දවසට මන් බොලොග් ලියන්න අරන් අවුරුද්දයි. ගිය අවුරුද්දෙ හරියටම අගෝස්තු මාසෙ මේ වගේ දවසකට ඒ කියන්නෙ අගෝස්තු දහයට දවස් දෙක තුනකට කලින් මන් බොලොග් එකක් ගැන මොකුත්ම දන්නෙ නෑ. අඩුම ගානෙ මට ගෑවිච්ච එකෙක් වත් දන්නෙ නෑ.  
                     ඉතින් කොහොමින් කොහොම හරි දන්නෙම නැතිව අවුරුද්දකුත් ගිහින්. අවුරුද්දක කාලයක් පුරා බොලොග් ලොව තුළ සිටීමට හැකි වීමත් ලොකු සතුටක්. කොහෙන්ද පටන් ගන්න ඕනෙ කියලා තේරෙන්නෙ නෑ. ඒත් මගේ මේ බොලොග් එක අටවා ගැනීමේදි ඉදලා මේ වෙනකම් මට උදව් කරපු කීපදෙනෙක්ට ස්තූති කරන්නත් එක්ක අවුරුද්දක් සා විශාලා වූ යැයි හිතුවට එච්චර විසාල නැති මේ ගමන පිළිබද සිංහයෙක් වගේ ගැම්මට සිංහාවලෝකනයක යෙදෙන්නයි මේ සුදානම.
                                                ඉතින් මේ අවුරුද්දක් වගේ කාලයකදි ලැබුනූ දේවල් බොහොමයි. විශේෂයෙන්ම  කෙටි කතා,කාලීන හා දේශපාලනික,රස්තියාදුගහන කවි,අතීත මතක,එදිනෙදා ජීවිතයේ සමහර තැන්,ප්‍රහසන,ලේබල් නැති කතා වගේ එකිනෙකට වෙනස් විෂයන්  7 කින් බොලොග් ලිපි 39 ක් ලියන්න පුළුවන් වුණා. සාමාන්‍යයෙන් ඒක එච්චර ලොකු ගානක් නොවුනත් මාසෙකට ලිපි දෙක තුනක් එදා ඉදන් අද වෙනකම් නොකඩවා දාන්න පුළුවන්වුණු එක ලොකු සතුටක්. ලිපි 39කට ලැබිලා තියෙන හිට්ස් ඉහටත් උඩින් වීමත් තව සතුටක්.
                                        ඒ වගේම. "නෙළුම යාය"  සම්මාන උළෙලේ සම්මානයක් ලැබීමත් මේ බොලොග් ලියවිල්ලෙ අග්‍ර ඵලයක්. "බොලොග් වසන්තය" සම්මාන උළෙලේ ජනප්‍රියම ලිපි තෝරපු ඉසව්වෙන් 13 වෙනි තැනට වෙනකම් එන්න පූළුවන් වුණු එකත් වටින මතකයක්. ඉතින් මන් දැන් ලැහැස්ති වෙන්නෙ. එතෙක් මෙතෙක් මගේ බොලොග් කෙරුවාවට සහය වුණු කීප දෙනෙක්ට ස්තූති කරන්න.

19 July 2017

හුස්ම ගන්න හාද්දක් - අවසන් කොටස

                                                                     
   
හුස්ම ගන්න හාද්දක් - පළමු කොටසට මෙතනින් යන්න 
                                                           
                                          එදා වැස්සක් ඉවරවුණු ගමන්ම පාරේ අයිනේ මඩ වලවල් පිරුණු තෙත පරිසරයක් තිබ්බ දවසක්. මේ එයාගෙන් මට ආපු හතර වෙනි කෝල් එක නැත්තම් හතරවෙනි හයර් එක කිව්වත් වරදක් නෑ.  එදත් එයා ඇවිත් කිසි කතාබහක් නැතිවම ත්‍රීවිල් එකට නැග්ගා. ඔව් ඒක කොහොමත් සාමාන්‍ය දෙයක්. අර මුල් දවසෙ ඇර තාමත් එයා හිනාවෙනවා මන් දැකලා නෑ.
                         හොදටම වැහැලා තෙත් වෙලා තිබ්බෙ ගහ කොළ හැම එකක්ම.තව ආයෙත් වහින්නද කොහෙද. වැහි බීරුම වගේ.  හදිස්සියක් කියපු නිසා මමත් ටිකක් වේගෙනුයි ගියේ ඒත් ටිකක් දුර යද්දි ඉස්සරහින් ආපු මෝටර් බයික් එකක් ඒ පැත්තෙන් ආපු බස් එක ඉස්සර කරගෙන හිතපු නැති විදියට වේගෙන් ත්‍රීවිල් එක ඉස්සහරට කඩාගෙන ආවා.මොනවා කරන්නද තප්පරෙනුත් දහයෙන් පන්ගුවක්දි මට හිතන්න වුනා. මන් කරේ එක තැන වමට හරවපු එක. ත්‍රීවිල් එක බිමට පෙරළුනා. මෝටර් බයිකාරයා ත්‍රීවිල් එකේ අයිනෙ වැදීලා විසි වෙලා ගියා
                                                                   මම   නැගිටිනකොට බිම වැටිච්ච පාර ඕලුවෙන් ලේ එනවා. ඒත් එයාටනම් ලොකු තුවාලයක් නෑ අත මොහොක හරි වැදිලා ලේ එනවා. මන් හිතන්නෙ ඒකටද කොහෙද එයාට සිහිය නැතිවෙලයි තිබුනෙ.
               මන් ඕලුවෙන් ලේ ගලද්දි ගිහින් එයාව තුරුල් කරන් නැගිට්ටුවා. මගේ අතින්ම වතුර ගහද්දි  තමයි එයාට ටිකක් සිහිය ආවෙ. මන් එයාව වත්තන් කරන් ත්‍රීවිල් එකත් එතනම දාලා වෙන ත්‍රීවිල් එහෙක නැගලා හොස්පිට්ල් එකට ආවා.
                       මගේ නලල තුවාල වෙලා තිබ්බ නිසා. මට දවස් දෙකක් යනකම් ටිකට් කැපුවෙ නෑ. මොකද ඕලුවට වැදුන නිසා එහෙම තියාගන්නවලු. එයාටනම් එදාම ටිකට් කපලා. ඇත්තටම නවතින්න තරම්වත් තුවාලයක් නෑ එයාට. ඒත් යන්න ඉස්සෙල්ලා මගේ සුවදුක් බලලා තව  සික්ස් පැක් හස්බන්ඩ් එයාට ගෙනාපු පළතුරු වට්ටියකුත් සික්ස්පැක් හස්බන්ඩ්ම මගේ කබඩ් එක උඩ තියලා එයාලා දෙන්නා යන්න ගියා. පිටින් පේන තුවාල වලට වඩා එදා මට රිදුම් දුන්නෙ පිටට නොපෙනන තුවාල.

12 July 2017

හුස්ම ගන්න හාද්දක් - පළමු කොටස



                                                   ඒක අහඹූ හමුවීමක් සහ වෙන්වීමක් අතර තිබුණු අපැහැදිළි තැනක්. මට ඕනෙ වුනේ ආදරයක් නෙවෙයි වෙන දේකුත් නෙවෙයි අපැහැදිලි දෙයක්. මාස ගානක් තිස්සෙ මන් ඉන්න බෝඩිමේ උඩ තට්ටුවට එයාව පේනවා නිතරම එළියට එන්නෙ නෑ. සතියේ දවස් පහේම යන එයා එන්නෙ හවස්වෙලා. සෙනසුරාදා ඉරිදා වුනත් එයා ගෙදරින් එළියට බහින්නෙ ගොඩක් අඩුවෙන්,සමහරවෙලාවට බහින්නෙම නෑ. අමතක වුණා දෙයක් කියන්න මන් දැන් ආයෙත් කතාවෙ මුලට යන්නම්.
                                                   මන් මේ බෝඩිමට ආවෙ මාස හතර පහකට කලින්. තවත් බෝඩිමක ඉදන් තවත් තැනකට මුහු වෙනකොට තියෙන්නෙ අමුතු හැගීමක්. මොකද අළුත් තැනකට මුහු වෙනකොට එහෙම හැගීමක් එනවා. මෙතනට ඇවිල්ලා දවස් දෙක තුනකදි වගේ තමයි එයාව දැක්කෙ එයා සුදුයි ඒත් සුදුම නෑ ඒක සුදට වඩා ලස්සන අදුරු පාටක්..ටිකක් විතර උසද මන්දා...එත් උසමත් නෑ..... එයාගේ තිබ්බා අමුතු පෙනුමක් හරියට මිනිස්සුන්ව වසගයට ගන්න පුළුවන් පෙනුමක්ම කියලා මන් කියන්නෙ නෑ.
                                          ඒත් මන් වසගයට ගන්න පුළුවන් වුණු පෙනුමක්. පොඩ්ඩක් ඉන්න මන් වසගයටම ගත්තා කියන්නත් බෑ. ඒත් මන් එයා ගැන ටිකක් උනන්දු වුණා. ට්කක් කිව්වට ඕනාවටත් වඩා වැඩි පුර උනන්දු වුණා කිව්වොත් ඒක වැරදියිම කියන්නත් බෑ.
                       දවසින් දවස එයා මල් පැල වලට සාත්තු කරන දිහා මන් හවස ඇවිත් උඩ තට්ටුවෙ ඉදන් බලන් හිටියා.  එක නිකන් පුරුද්දක් විදියට හැමදාමත් වුණා. තේ එකකුත් එක අතකින් අරගෙන පුටුවෙ වාඩි වෙලා එයා දිහා බලන් ඉන්න එක පුරුද්දක් වුනා. ෆෝන් එකත් ඔබ ඔබ සතියෙ දවස් වලටනම් මම විනාඩි පහලවක් විස්සක්ම කරන්නෙ එයා දිහා බලන් ඉන්න එක. එයාගේ තිබුනේ  ටිකක් විතර සිහින් සිරුරරක් අවශ්ෂ්‍ය හැඩ ඒ සිරුරේ ඕනවටත් වඩා තිබුණා.
                                    ඒත් මන් ආස එයාගේ උඩ කෙහෙ රැල්ලක් නිතරම මූනෙ පැත්තට වැටිලා තියෙන කොට එයා දිහා බලන්න. එතන තිබුනේ අමුතු අහිංසක ලස්සනක්.... ඇත්තම කිව්වොත් මාව ඉක්මණටම වසගයට ගත්තා.
                                                        මන් වැඩ කරේ ඉන්ෂුවරන්ස් කම්පැනියක පියන් කෙනෙක් විදියට. ඒත් ඉතින් මන් ඊට වඩා හම්බ කරන්නෙ ඒ යන එන ගමන්. මොකද මන් වැඩට යන්නෙ ත්‍රීවිල් එකේ. කියන්න ඕනෙ නෑනෙ කොළඹ  හයර් කෑලි වැදෙන විදිය උදේට යි හවසටයි.  පැය පැය ඔය දේකේදි ගහගත්තත් රුපියල් තුන් හාරසීයක් අනිවාර්යෙන්ම හම්බෙනවා.  මන් ත්‍රීවිල් එක ගැන කිව්වෙ කතාවේ ඊළග කොටසට යන්න . ආ හරි දැන් ඒක මෙහෙමයි........

28 June 2017

ගන්ධබ්බ

                    කහට සීනි දිය කරගත් කෝප්පය සමග ඉස්තෝප්පුවේ කුණු පැහැති වේවැල් පුටුවේ සිට ඉස්සරහ පාරත් යන එන මාළු කාරයත්, පලා කාරයත්, පත්තර කාරයත් දැකීම සුලභය. ඉන් එහා ඇති පිට්ටනියත් ඉන් මදක් ඔබ්බට ඇති වේල්ලෙ කන්දත් පින්නත් එක්ක දේදුන්නක් මවා ඇත.හිමිදිරිය නොවුණත් වැහි බීරුමත් එක්ක ඇත්තේ අදුරු පරිසරයකි.  අතු පතර විහිදී ගිය වැටෙහි වූ රූස්ස සූරිය ගස් දෙක තුනෙහි වූ අතු පතර එහි වූ දේදුන්න බැලීමට බාධාවක්ය. නිවාඩු දින වලට මා නිනව්වක් හෝ අදහසක් නොමැතිව ඈතින් මෑතින් පෙනෙන පාරත් යන එන එවුනුත් දිහා තේ කෝප්පයක් එක්ක බලා ඉදීම දැන් පුරුද්දක් ලෙසම සිදුවන්නක්ය.                                                                                                                                               
"මේ අහන්නකො"
"මොකද්ද....?"
"ආදරෙයිද මට?"
"පිස්සුද ඔයාට"
"ඔරවගෙන ඔරවගෙන ඉදලා අද ටිකක් කතා කරන්න ගත්තා. ඒත්"
"මොකද්ද ඒත් කියන්නෙ? බබෙක් වෙන්න එනවනෙ"
"මන් ඔයත් එක්ක හුරතල් නොවී කාත් එක්ක හුරතල් වෙන්නද"
"ඔන ඒ පාර අඩන්න ගත්තා.... මිනිස්සු ඉන්නවා තමුසෙට පේන්නෙ නැද්ද"
"මට තමුසෙ තමුසෙ කියන්න එපා. ඉන්න බැරිනම් යනවා මමනෙ අඩන්නෙ"
                                               පුංචි අම්ම්ලෑ ගෙදරින් ගෙනා ඉදි ආප්ප පීරිසිය තාමත් මේසෙ උඩය.  නිවාඩු දවසටත් උන්දැ සිතනු ඇත්තේ ඉර පායන තදියම මා කන බවය එහෙත් දැන් ඇදෙන් නැගිටීමට සිතෙන්නෙත් දහය එකොළහ ගෙවීමෙන් පසුය. ඉදි ආප්ප පිරීසියත් සීතලය තේ වතුර කෝප්පයේ අඩක් තාමත් එලෙසමය.  කෑමට පියක් නැත.

21 June 2017

ප්‍රේමය නම් කිමැයි කියා හදුනාගත් කිසිවෙකුත් නැති (18+)


පොඩි පොඩි කොලු ගැටව් ගේ බිජු අතගාන කලෙක
නැත්ත වෙතේ රහසින් ගල් කපනා රටෙක
පොඩි පොඩි වුන් රවටමින් චොකලට් සීනි බෝලයට
උන් ගනිති ලල් එක ලොල්ලෙකු වී සංස්කෘතියේ
රෙද්ද පල්ලෙන් වැටෙන

දිවා රෑ ගොදුරක් සොයමින්  ඒ මේ අත වෙහෙසෙන
කටාර් ලා ඇත මේ දම් දිව සතර දෙස
බියර් එකක් වත් ගැටයෙකුට දී කටට ගෙන උරනා දවස
මුට්ටියත් බිදිය හැක  ට්‍රයි කරොතින් අතමිට මොලවා වැද හොත්ව

එකල් රටේ සියලූ දුසිරිතෙන් පිරෙන
සමරිසි ප්‍රේමය අකපැයි එය වෙතිදෝ ලෝ දම් කරුම
සද තරු පායා ඇති රැයක  මල් මල් පෙම්වත් කතා මැද
නොසිටුනු ආසා පෙම්වතුන් නම් තව ලොවෙහි වෙද

වල ගැසුණු ගොරහැඩි කම්මුල් පහස දුන් චුම්භනය
 සොදුරුය දැනුනත් ඇගෙහි හිරු ගඩු පිපුම
පාළු ගෙදර නොබිදිමින් උන් උන් පිරිපුන් වලද
උන් උන් විදිති ආදරය එය වෙතේ ප්‍රේමය නම් නැත්ත

ඉදින් සද තරු පායා ඇති රැයක නුඹ හට ළං වෙන්න
ළං වී තුරුලටම තව තව දේ මුමුණන්න
ආදරය තව දුරද කිවමැන නෙත් බැදි කත ලග  පෙම්බර වැට් තරුව

-රෝමාන්තික රස්තියාදුකාරයා-

16 June 2017

බොලොග් කියවන්නියක් එක්ක කතා බහක්

                                                   
                                                         සාමාන්‍යයෙන් අපිට අපේ ජීවිතේ හුගක් හුස්ම ගන්න සිත් ගත් චරිත හබ්බෙන්නෙ අහම්බෙන්. ඒ හන්දියේ කඩේ ගාව, පේමන්ට් එහෙක,පෙට්ටි කඩේක, ක්ලාස් එකේ අනිත් පුටුවේ, බස් එහෙක, දූවිලි පිරුණු පාරක, බාර් එහෙක, පබ් එහෙක, ඊට හාත්පසින්ම වෙනස් උත්සවයක, පෙට්ටි කඩයක,ෆුඩ් කෝඩ් එහෙක...තැනක් නොතැනක් නැතිව සිත්ගත් මිනිස්සු හා අපූරු කියවීමක් තියෙන මිනිස්සු මුණ ගැහෙනවා. කොටින්ම කිව්වොත් අම්මයි තාත්තයි නෑදෑයො ටිකයි,ගමේ එවුනුයි ඇර අනිත් හැමෝම හම්බෙන්නෙ අහම්බයක් විදියට.
                             ඒත් සයිබර් පියස තුලත් එවන් සොදුරු එවුන් හා අපූරු දොඩමළුවකට තෝතැන්නක් කියලා රස්තියාදුකාරයාට ඉකුත් දවසක තේරුණා.  රස්තියාදුකාරයා වටේ සිටින්නෙ බොහොමයක් ගතානුගතික මුත් හොද මිනිසුන්. ඒත් රස්තියාදුකාරයා කුඩා කාලයේ ඉතා දැඩිව පිළිගත් ගතානුගතික අදහස් වලට ප්‍රබල විරුද්ද අදහස් සාමාන්‍ය පෙල අවධිය වෙනකොට තමන් විසින්ම ප්‍රශ්ණ කරන්නක් බවට පත්වුනා.
                       උදාහරණයක් විදියට සචින් තෙන්ඩුල්කාර් ශතකයක් ලබාගත්තයින් පසු ඉර දෙස බලා අචාර කරන ආකාරය, ජයසූරිය පන්දුවට පහරදිමට පෙර නිතර කරන අභින...... වගේ දේවල්... ඒත් මෙවන් කෙම් ක්‍රම තුළින් කුඩා මටත් සෑහෙන දේවල් සාර්ථක වුනා. අපේ ක්‍රිකට් භාර ආචාරතුමත් ඒම දෑ අනුමත කිරීම තවත් රුකුලක් වූණා.
                   ඒ කෙසේදයත් ඉතා හොදින් ක්‍රීඩා කරමින් සිටි යහළුවෙක් කඩුල්ල සිටුවා ගැනීමට පිත්ත පන්දු යවන්නන්ගේ පිලේ අයෙකුට ලබා දුන්නා. ඉන්පසු බෝල තුනක් යාමට පෙර ඔහු දැවී ගියා. ඉන්පසු ක්‍රීඩාගාරයට පැමිණි ඔහුට ගුරුතුමා දැඩිව අවවාද කරා. මන්දත් ඔහුගේ පිත්තෙන් වාසනාව අනෙකාට සම්ප්‍රේශණය වී තිබීම දැවී යාමට හේතු වී තිබුණා.

24 May 2017

අපේ දන්සැල

                                                     
           
                         වෙසක් මාසෙ කියන්නෙත් පුල් මාවලස් කාලයක්.විසේසයෙන් අප ගම්මැද්දෑවෙ සාමාන්‍යයෙන් වෙසක් වලට වඩා උත්කර්ශ්වත් සහ අලංකාර පොසොන් එක. ඒත් ඉතින් ඒ කොහොම වෙතත් අනාදිමත් කාලෙක ඉදන් අපිත් වෙසක් සද නැග ගෙන එන අල්ලපනල්ලෙ ලක ලෑස්ති වෙන්නෙ අනාදිමත් කාලෙක ඉදන් අඛන්ඩව අපි සැට් එක සිදුකරන සුමධුර ධර්ම දේසනාව සහ මහා දන්සැලෙහි වැඩ කටයුතු ඉෂ්ඨ සිද්ධ කරන්න. මේ පාර අපි තීරණය කරේ ආරණ්‍යවාසී හාමුදුරුවො කෙනෙක් ගෙනැල්ලා වෙනස් විදියේ ධම්ම දේශණාවක් කරන්න. කාගෙත් වැඩි මනාපෙන් හැමදාමත් වගේ ගල්දූව ආරණ්‍යයේ ලග්ගල කල්‍යානවංශ නැමැති හිමි නමකට ආරාධනා කෙරුනා.
                                                                      දැන් එතකොට දන්සැලට දෙන්නෙ මොනවද අපේ අන්තර් වෙසක් බෞද්ද මහා සංවිධානය සකච්චා කරා. ඉන්පසුව සියල්ලෝගේම ඒකමතික ජන්දයෙන් සහ දෙතුන් දෙනෙකුගේ දැඩි විරෝධය හමුවේ. අතිසය පජාතන්ත්‍රවාදී විදියට නුඩ්ල්ස්,පාප්පු සහ සීනි සම්බල් දෙන්න තීරණය කෙරුනා. මුල් සාකජ්ජා වටේදිම නුඩ්ලස් වලට අපේ හිතවත් සාමාජික ගම්සභාවේ මන්ත්‍රී තැම්පත් අවන්ත සහෝදරයාගේ සම්පූර්ණ අනුග්‍රහය ලැබුණා.
                                                                    ඒ වගේම සම්බල් වලටත් සමාජික පහුලකින් සම්පූර්ණ බරපැන ලැබුණා,  පහුලකින් ලැබුනැයි කිව්වට ඕක නිකන් පහුල් සංවිධානයක් වගේ එකක් මොකද ඔය පහුලේ ඉන්න සහෝදර සහෝදරියො හතරපස් දෙනයි, වද පුංචි අම්මගේ ඉස්සර ගෙදර එකයි පස්සෙ ගෙදර එකයි දෙපැත්තෙ ගෙවල් වල එවුනුයි සේරොම ඔය සම්බල් භාරගත්ත පහුලට අයත්. ඉන්පස්සෙ අන්තිමට පාප්පු වලටත් එක දෙන්නා කිලෝ හතර පහ සමාදර  සමඅනුග්‍රහය දුන්නා.

15 May 2017

ගඟ ලඟ තොරණ ලඟ ෆෝකස් කරපු ලිය


ගඟ ළග තොරණ ළග ෆෝකස් කරපු ලිය
හන්දියේ තොරණ ලගදී මිසින් විය
කුමට කියමි ඈ ගැන රුව ගති වරුණ
පන්සලේ කූඩුවේවත් නෑ කැටයම් එතරම්ම

මාකට් එක ළග කුඩුවෙ සුන්දර කැටයම් අතරේ
දැක්කෙ අර ලියයි වෙනසක් නෑ කැටයම් ඇයගේ
පහුලේ උන්දැලත් මිස් කොට කවුරුත් නැති අතරේ
රටකජු ගොට්ටේ නම්බරේ ලියලයි ඈ දුන්නෙ

කට සැකරයි සිතකුත් මගේ ඈ ගැන නැති පාටයි
පිකප් එකේ ලග නැව්වට ඈ නිව්ටල් කෙල්ලයි
පාර දෙපස එහෙ මෙහෙ යන ලියනුත් බෝමයි
මේ වෙසඟෙවත් පින පල දුන්නොත් මල්මයි

වැදලා රනවරා,ඔසුපැන්, සව් දන්සැල් දෙකතුන හතරක්ම
බත් දන්සැලක් සෙව්වෙමි බඩගින්නත් වැඩිවෙලා හොදටම
කීලෝමීටර් දෙකතුන පෝලිමේ ලොකු පොඩිවුන් අතර
සෙට් වුනෙමි අගට පෝලිමෙ කලියෙන් හෙට එළි වෙන්න

ඉස්සරහම හිටි ලිය සුන්දර වෙති බෝම
ඉගසුග බෝම ඇත මහතට පොස් එකට
කැටයම් ඇයගේ නැත සුන්දර ඇය ලෙන්ගතුය
ඇගටම ආපු පොඩි එහෙකුටත් ඈ එරෙව්වය

ගෙදර කෙනා මෙහි නෑලු ආසයිලු දන්සැලකින් කන්න
නැන්දම්මත් එක්ක ආවේ ඒ නිසාලු දන්සැල් වදින්නට
බඹ ගානක් දිග පෝලිමෙ මල් මල් කතා මැද
ගෙවුනා සොදුර ලෙස පෝලිම තව දිග වූවානම් මල්ම

කුමට කැටයම් කොටනු කදුරු ලීයේ ඉතින් හැඩ දමා
විදපූ ලීයෙ කැටයම් සුන්දර වෙති කදිමයි බෝමා
කැටයම් ටික තියා ගනින් කෙල්ලෙ පොසොනුත් ළග එනවා
මෝරපු ලීය ලෙහෙසියි ලපටි ලීයට හම යනවා

-රෝමාන්තික රස්තියාදුකාරයා-

ප.ස.- ඔන බොලොග් වසන්තයේ අන්තිම හරිය යන්නෙ. මාත් ආයෙ පැත්තෙවත් නැහැයි හිතුවට චුන්ඩක් උඩට ඇවිල්ලා ඉන්නෙ. අපේ දුමීලා.අටම්ලා,අරූලා,ඉයන්ලා,ඉවාන්ලා,සොදුරු අතීතය..... එහෙමත් පෙරමුනේම සටනේ. ඔය කොයි කාගේ හරි හොද පෝස්ට් එකක් තියේනම් කියවලා බලලා චන්දයක් දාල එන්න. චන්ද පහක් දෙන්න පුළුවන්ලු. හොද එකෙක්ට දාහල්ලා. හොදම එකානම් මම තමයි. ඒත් තව හතරක්ම තියේනේ. ඒවත් දාහල්ලා කාට කාට හරි. ඔක්කොටම ජයින් ජයම වේවා.......එහෙමැයි කිව්වට මට පොඩ්ඩක් වැඩියෙන් ජයවේවා........


29 April 2017

මට සමාවෙන්න මිස්


            මන් මේක ලියන්න ඇවිස්සුනේ කැලේ පිපුනු මල් ලියපු "මගේ ජීවිතේ පාට කළ අය"  ගැන ලිපිය කියවලා. මගේ ජීවිතෙත් පාට කරපු හුගක් මිනිස්සු ගැන මේ රෑ ජාමේ එකින් එක මතක් කරන්න පෙළබුනේ ඉන් පස්සෙ.
                      මන් පාසලේ ඉගෙන ගත්ත සමහරක් ගුරුවරුන්ට මාව හරියන්නෙ නැද්ද කොහෙද. සමහර වෙලාවට සාධාරන හේතු නොතිබුණාම නෙවෙයි ඒත් පහ වසරේ උගන්නපු සරත් කියලා ගුරුවරයෙක් ගැන තාම මගේ හිතේ තියෙන්නෙ පිලිකුලක් මිශ්‍රිත හැගීමක්.  ඒත් ගුරුවරු බොහෝ දෙනෙක් ඉන්නවා අදටත් අපි අළුත් අවුරුද්දකටවත් ඔහුන්ගේ ගෙදරක නොගියත් හම්බෙන්නෙ පාරෙද,ගෙදර ද කියලා තැනක් නොතැනක් බලන්නෙ නැතිව පැය, දෙක විහිළු තහළු කරමින් කතා කරන.
                                        සමහර ගුරුවරුන් හා අද තියෙන්නෙ ගුරුවරයා අභිබවා ගිය අතිජාත මිත්‍රයෙකුගේ බැදීමක්. මන් ලියපු බාලිකා ළමා නිවාසයේ කාලගෝට්ටිය , බඹර පදම,බලු පදම සහ කබර පදම  වගේ කතා වල ඉන්න සෙට් එකේ ඉන්න මගේ ප්‍රාණසම අතිජාත මිත්‍රයා අපේ ගෙවල් ළගම ඉන්න මගේ ගිණුම්කරණ ගුරුවරයා.ඒ එක් එක් ගුරුවරු ගැන වෙන වෙනම ලියන්න ඕනෙ. නැත්තම් ඒක ඔහුන්ට කරන අසාධාරණයක්
                       ඒත් අද මන් මේ ලියන්නෙ මට උගන්වපු ගුරුවරියන් දෙදෙනෙකු ගැන මට ඇති මතක.  මා ජීවිතේ දැඩිව කම්පනයට ලක් වූ අවස්ථාවක් සිදුවෙන්නෙ මින් එක් ගුරුවරියක සම්බන්ධව. මා ප්‍රමුඛවම මෙම ලිපිය ලියන්න පෙළබෙව්වෙ ඇය හා වූ මතක. ඒත් මොවුන් දෙදෙනාම එක්තරා කොන්දේසි විරහිත සෙනෙහසක්,රැකවරනයක්  මා කෙරෙහි වූ නිසා  මොහුන් දෙදෙනා ගැනම නොලියම බෑ.
                                                තාමත් ඔහුන් මට එතරම්ම ආදරේ කරේ ඇයි දැයි කියලා මට තේරෙන්නෙ නෑ. ඒත් මන් ඔහුන් දෙදෙනාටම පෙරළා එතරම්ම ආදරේ කරන්නෙ ඇයි දැයි කියලා මට කියන්න ඕනෙ. ඒ වගේම මට එක් ගුරුවරියගෙන් සමාව ගන්නත් ඕනෙ. ඔව් ඒකට හොදම ක්‍රමේ මේක.ඔබටත් තේරේවි ඒ ඇයි දැයි කියලා කියවනකොට.

21 April 2017

මැතිදානෝ සැපගති...අපේ ඈයෝ කෙලවගති....


ලෙවැකති රැසැති
කුණු
උන් දිවගින්
ලැජ්ජාවක් කුමට ඇත්තේ රසයකි
උන්හට
 කුණූ ගොඩකින්
කූණූ වී ගිය ඔජස
පැතිරැති  හැමතැන දුගදින්
නිදහසින් පසු තැනු කුණු ගොඩ ඇත
දියවන්නාවේ
මැද
ඕජස
ගලමින්
ජීවත්වෙන්නට අද සටනකි
 එදිරිව ගඟ මැද පිහිටි
 කුණුගොඩකින්

කුණුගොඩටම යයි හිගමින් හැතිකරෙ
හැමමුල්ලෙම එවුන්ගේ චන්දෙන්
ගිය පසු උන්
කති, බොති, සුකති යහමින් වැඩකට ඇතිද උන්හට
ඉන්දියන් සාගරේ
කුණූ පාටැති මුතු ඇටයෙන්
....................

-රෝමාන්තික රස්තියාදුකාරයා-

08 April 2017

වික්ටර් රත්නායක සහ මගේ ප්‍රේම කතාව

                                          බොලොග් තුළට විවිධ රැළි,කුණාටු, සුළි සුළං හමාගෙන එනවා. ඉතින් සොදුරු සදවතීගේ මේ වික්ටර් ගී අභියෝගයත් එහෙම බොලොග් හරහා පැතිරගෙන ගිහිල්ලා අද මගේ බොලොග් එකටත් ගොඩ වැදෙන ප්‍රේමණීය සුලගක් . ඒ තුළ මා ජනිත වූ අනන්දනීය බව තුළ ඔබත් අතරමන් කිරීමටයි මගේ මේ වෑයම.
                   මුලින්ම මගේ රසවින්දනය ගැන කීවොත් අමරදේවයන්ගේ,වික්ටර් රත්නායකයන්ගේ සිට ක්ලෑරන්ස්, රූකාන්තයන්ගෙන් පසු භාතිය සංතුෂ් හරහා අද හෙළ සංස්කෘතිය විනාස කරනවයි කියන කුණුහර්ප රැප් කියන කියන ෆිල් ටී,පදනම,හතලිස් හතර කල්ලිය,ප්‍රසා වැනි වුන්ගේ රැප් දක්වා ගමන් කරන්නක්.
                   ඔය හැමෝගෙම මම අහන සිංදු වගේම,එච්චර කැමති නැති, සමහර වෙලාවට කැමතිම නැති ගීත තියෙනවා. ඒත් ඉරි ඇදලා කොටු කරගත්තු රසවින්දනයක් මට නෑ. එක එක ශෛයිලීන් තුළින් ලැබෙන රස එකිනෙකට වෙනස්. මන් ඒ වෙන වෙන රස හොදින් රසවිදින්නෙක්.
                                           
1.මන් වික්ටර් රත්නායකයන්ගේ සුභාවිත ගීතයන්ගේ උන්මාදනීය උමතුවෙකු වෙන්නෙ මෙන්න මේ ගීතය හරහා. පසුබිමෙන් ඇහෙන්නේ බොක්ස් ගිටාර් දෙකක තත් පිරි මැදීමක් විතරමයි ඒ උමතුව තාමත් එහෙම්මයි. ඒ ස්පර්ෂය එහෙම්මමයි. පද තුල නැලවෙන ඒ සුමිහිරි සංගීතය. මන් එහි ආසම මෙතනට.

"ඇදුරුතුමියයි ප්‍රේමයේ ඔබ
ඇදුරුතුමියයි යෞවනේ
ප්‍රේමයේ රුදු වේදනාවේ 
කදුළු සයුරේ උල්පතයි"


05 April 2017

විකසිත වුනු නෙළුම යාය සම්මාන උළෙලේ මගේ රස්තියාදුව


                                                             දැමිය යුතුම නෙළුම් යාය බොලොග් සම්මාන උළෙල ගැන පෝස්ට් එකක් දාන්න පරක්කු වුණේ මග හරින්න බැරි වැඩ ගොඩක් පහුගිය දවස් ටිකේම යෙදිලා තිබ්බ නිසා. මේ සම්මාන උළෙල මට අතිශය විශේෂ වන්නෙ සම්මානයක් හම්බුණු නිසාමත්ම නෙවෙයි හැංගි හොරා පෝස්ට් දාන බොලොග් කරුවන් විශාල පිරිසක් දැක ගන්න වගේම කතා බහ කරන්නත් හම්බුනේ එදා නිසා.  හුග දෙනෙක් මේ ගැන පෝස්ට් දැම්මත් මමත් දාන්නෙ මගේ මුල්ම බොලොග් කරුවන් හා වූ හමුවීම මෙය නිසා සහ මෙම හමුවීම මට ගොඩක් විශේෂිත වූ නිසා.
                                               දියවන්නාවේ පිහිටි "වෝටර්ස් ඒජ්" හෝටලය යන්තමට තුනට පහක් විතර තියෙද්දි ගොඩවුනා හම්මෙ බලන්න එපැයි සිරියාව පුදුමාකාර උත්කර්ෂවත් විදියට සරසලා. ඇතුල් වෙනකොටම වේටර් ළමයා දුන්නා බොර පාට වෙච්චි බීම එකත් අතේ තියාගෙන පිටි පස්සෙම පේලියට වෙලා බැලුවා ඇන්ටනාව කරකවලා ඒත් ඉතින් එහෙම බැලුවා කියලා දන්නවයි එකෙක් වත්. අහළ පහළ හිටපු දෙතුන් දෙනෙකුනුත් ඇහුවත් උනුත් බොලොග් ලියන උන් නෙවෙයි.
                            ආන්න එතකොට දැක්කා ගල් තොප්පියක් දාලා ෆේස් බුක් එකේ ඉන්න හුරුපුරුදු කෙනෙක් ඒ කව්රුත් නෙවෙයි මෙය සංවිධානයේදි ලොකු වැඩ කොටසක් කරපු කල්‍යාණ මිත්‍ර. ඔන්න ගිහින් කතා කරයි කියමුකෝ මන් මුලින්ම ඇහුවේ අපේ කවි ලියන දුමී ආවද කියලා. ඒත් දුමී ඒ වෙලාවෙ නොහිටපු නිසා මන් ගිහිල්ලා ආයෙත් ඈදි ගත්තා.

27 March 2017

භීතියෙන් ලියමි

                            මේ පෝස්ට් ලියන්නෙ ටිකක් හදිස්සියේ ඒත් විසි පහ විකසිත වුණු නෙළුම් යායේ හමුවුනු සුන්දර බොලොග් කරුවන්ගෙ ඉදලා අෆ්ටර් පාටියෙදි දෙල් වෙන්න සළු වෙලා ගෙදර ගියපු ගමන වෙනකම් කියන්න හුගක් දේවල් තියෙනවා හැබැයි  මන් මේ ලබන ඉරිදා හවස වෙනකම් ඉන්නෙ පොඩි භීතිකාවක.  ඒ නිසා එකි නොකී හැම දෙයක්ම කියන්න වෙන්නෙ ලබන සතියේ දාන පෝස්ට් එකකින්.
                                                        ඒ වගේම ලබන සතියෙදි සදවතිගේ වික්ටර් ගී දහයේ අභියෝගය, ඒ වගේම නොලියන්න හිටපු ඒත් ක්මෙන්ට් කරලා මැසේජ් කරලා දාන්නයි කියපු "කණ්ණාඩි දාපු ලස්සන ගෑනූ ළමයගේ" පෝස්ට් එකේ දෙවැනි කොටසත් ඊළග සතියෙදි දානව කියලා පොරොන්දු වෙනවා.
                                 මගේ බොලොග් එක ගොඩ දාගැනීමෙ ඉදලා මේ වෙනකම් ලොකු සප් එකක් දුන්නු, දෙන අටම් අයියා හමු නොවීමනම් පට්ට දුකක්.කෝම උනත් ඔක්කොම ගැන ඊළග සතියෙ ලියන්නම්. මොකද මන් ඉන්නෙ භීතිකාවක.කෝම උනත් ඊළග සතිය වෙනකම් මට පිළිවෙලකට බොලොගක් බලන්නවත් වෙලාවක් හම්බෙන එකක් නෑ. එදා හම්බුනූ කතා බස් කරපු, නොකරපු හැමෝටම ස්තූතියි.

සැ.යු.
විකසිත වූ සුන්දර නෙළුම් යායේ පුල් විස්තරේ ලබන සතියේ


16 March 2017

ඇයගේ සිත මෙන්ම ඔහුගේ සිතත් අප කියවා නැත (18+)


මගේ පොඩි එකීගෙම
වයසෙම නුඹ උන්නට
පවක්වනු කිම මා උන් හැදුවේ
ගෑනීගෙ  මලගමට පසු
පන මෙනි රැකගෙන
ඒකීගෙම වයසේ නුබේ සලු පිළි ගලවනකොට
මගේ හිත නොපිච්චුනේ උන් ගැන වල්කමක් 
හිත කොනකවත් නොතිබුණූ හින්දම
දවසෙ පඩියෙන් කීයක් හරි ඉතුරු කරගෙන 
මන් නුඹ සොයා ආවෙ 
මගේ සැනසීම
මධුවිතත් නුඹත් පමණක් හින්දම
කරගැට ඇති දෙ අත්ලේ පිරිමැදුම සියුමැලි නොවුනට
සුරාන්තයට ගෙන යමි  ගැටයෙකුටවත් නොහැකි ලෙස
වෙරයොදා නුඹ හා යෙදුණට මා ලබමින් සතුට
නොසිතමි නුඹට
 මා හා රමණය පිළිකුලක් බව
මත්වී සිස් වූ බීර බදුනත් විසික් කොට ඇදමුල්ලට
සිතුසේ නුඹේ සුව විදගනිමි අද දරදඩු දැහැනින්  ළගට ගෙන
දෙතොල් මන මත් කරයි
 චුම්නයක් ඇහැකිද දෙතොලට
නොරිස්සුම් ගෙන බැනුමට දෙයක් නොවෙයි කෙල්ලෙ
හැම මාසෙකම එන එකෙක්නෙ මම
හෙටක් ගැන ඉරක් පායනු නැති නාට්ටාමියෙකුගෙ ජීවිතයට
සැනුසුම නුඹත් මී විතත් පමනකි රිදුම් දුන්නට
සමාවෙයන් මට

-රෝමාන්තික රස්තියාදුකාරයා-
RomanthikaRasthiyadukaraya/facebook

ප.ස. -  ජර්මානු ජාතික Sandra Hoyn බංගලිදේශයේ ගණිකා නිවාස කලාපයක් තුළ සංචාරය කරමින් ගනු ලැබූ ජායාරූප කිහිපයක් මේ වන විට අතිශය කතාබහට ලක් වී ඇත.මින් ඉහත සදහන් ජායාරූපය ඔහු ලබාගත් ජායාරූප අතරින් දහසකුත් දෑ කතා කරන ජායාරූපයකි.  එහෙත් එය තුළ වූ ඇයගේ සිත මෙන්ම ඔහුගේ සිතත් අපගේ විදග්ධ සමාජය තවමත් හරියට කියවා නැත. ඇයගේ සිතට මෙන්ම ඔහුගේ සිතටත් කතාවක් ඇත. ඒ කියවීම ලැබූ නිදහස් සමාජයට වික්ටර් රත්නායකයන් වැන්නෙකුගේ විවාහය තලු මැරීමට තරම් වන් දෙයක් නොවනු ඇත. 

06 March 2017

කණ්නාඩි දාපු ලස්සන කෙල්ලෙක්


                                        ඔව් මන් කියන්න යන්නේ කතාවක් ඒක රස කතාවක්වත්,දුක හිතෙන කතාවක්වත් නෙවෙයි. තාම ඒක ස්පන්ධනාත්මක කතාවක්.මොකද මේ කතාව තියෙන්නෙ අතීතයේවත් අනාගථයේවත් නෙවෙයි. වර්ථමානේ සහසුද්දෙන්ම මේ දැන්. මන් ඉන්නෙ ලැපට බර දාලා කොටන ගමන්, ස්ටේශමේ. එතකොට කෙල්ල ඉන්නෙ මට ඉස්සරහින්. දැන් තේරෙනවා ඇතිනේ මේක තාමත් ස්පන්ධනාතමකයි. 
                                                            මගේ ලැප් එකේ වැදගත් කියලා දේකට තියෙන්නෙ එක්සෙලුයි, වර්ඩ් එකයි , අඋට් ලුක් එකයි විතරයි.ඒත් කෙල්ල ඒක දන්නෙ නෑනෙ. මන් හදන්නේ කෙල්ල ඉස්සරහා ලැප් එක දාගෙන සමාජීය චින්තනයේ මිලේනියම් පොශ් පොරක් වෙන්න. ලැපට කැපෙන වාරිකේ නිසා මාසේ අන්තිමේට ලෙල්ල හුටං වෙන්න එරෙන බව කෙල්ල දන්නෙ නෑනෙ. ෆ්බී එකේ "බොරු සෝබන නැති මගේ ජීවිතේ දාහෙන් සම්පතක්" කියලා අමු රැඩිකල් වදන් ශෙයාර් කරාට. පට්ට කෑල්ලක් ලයින් කරගන්න මේම කරන්න වෙනවා. හරි සිත නිවන කතාවක් වෙන්න පුළුවන් කොහොමත් මේම දැන් වෙනවා.

17 February 2017

සිරිපා කරුණාවේ බැදි සෙනෙහේ


නවම් සුළගට සිත රැදි රස රහසක උණූසුමට
පැතුම් ලෙස සොදුරිය යමු මුනි සිරිපා වැදුමට
සිතුම් ලෙස සිරිපා ගමේ සිට  එකළග හෙමිහිට
වැදුම් දෙන්නට යමු හෙමි හෙමින්  සිරිපා මුදුනට

නඩයෙන් වෙන්වී එකට හිද ලගදී ඉදිකටුපහන
විගහින් ගමු සෙල්ෆියක් කාටවත් නොපෙනෙන්න
සීතලෙන් වෙලී  ඇති මොහොතකදී නුඹ වෙව්ලන
කබායෙන් පොරවමි සොදුර නූඹට උණුසුම දෙන්න

සීතගඟුලේ සීත වතුරෙන්  දිය ගෙන සැනසෙන
නලලේ හාදුවක සළකුණ තබමි මම නොමැකෙන
සීතලේ වෙව්ලන මම නුබේ දෑතින් අල්ලාගෙන
වදුලේ තුරුලු කරගමි උණූසුම දෙමි නුඹ සනසන

පහුරු සේ අත් අල්ලා හැරමිටිපානේ දී නම් හොදටම
අමාරු  වෙයි  ඇයි සුදු කෙල්ල  බතලත්නේ නුඹ බෝම
වාරු  දී නුබේ සියුමැලි දෑත ගෙන හෙමි හෙමින් මම
කව්රු බෑ කීවත් යමි නොනැවතී ඇහෙළේ කණූව ලගටම

වෙලිලා මීදූමේ ඇහෙළේ කණූව ළග වෙව්ලන
ඇවිලිලා මෙන් දැනෙයි මගෙ හද පෙම් පුරන
පැටලිලා වගේ නුඹ මගේ තුරුලටම ගෙන
බීලා මෙන් මී ආසයි නුබේ දෙතොල් සිපගන්න

විසිරිලා වගේ බැතිමතුන් ඇත හැමතැන ඉන්න
ළංවෙලා  කොහොම එනිසා මම නුඹව සිපගන්න
පේවිලා නගින බැතිමතුනගෙ සිත් නොතැලෙන්න
එක්වීලා බොමු උණූ කෝපියක් සීතල යන්න

පැමිණීලා වාරු ගෙන අහස්ගව්ව නැගගෙන
තුටුවීලා වදිමු මුනිදුගෙ සිරි පා පද්ම බැතියෙන
වෙන්වීලා ගියත් හැමදාටම නුඹ හමුවෙන්න
එක්වීලා පුළුවනිද මා හා නුඹට ජීවිත කන්දේ යන්න

-රෝමාන්තික රස්තියාදුකාරයා-
RomanthikaRasthiyadukaraya/facebook

09 February 2017

සයිටම ගැන අම්මට - About SAITM


සයිටම කියා ලොකු වැනුමකි පාරේ 
අපටම කියා ඉගෙනුමක්ලු හෙට නැතිවන්නේ
මුලටම වෙලා සිරියයි කෑ කෝ ගසමින් යන්නේ
එකටම හිටි ඕකා නෑ ගානක්වත් කිසිදා කියලා දුන්නේ
ඒත්
ඇත්ත තමයි පෙළටම සිට කෑ ගසමින් කියන්නේ
කෝටි ගණන් කොහොමැයි අපෙ අප්පා මට දෙන්නෙ
ඇති හැකි එකාමයි හැමදාමත් සැපයෙන් ඉන්නෙ
දියුණූ රට වලනම් එහෙමලු බුකියේ තිබුනේ
හැම
 ජන්දෙකදිම රටේ දුප්පත් මිනිසුන් ගහගත්තේ
දිනන දාට කිරිබත් කා බී සළු වෙන්නෙ
ආදා පටන් මොකත් නෑ අපේ අම්මේ සලකන්නෙ
නිල් රතු කොළ පින්තූර ටික දාපන් බන් කුණූ මුල්ලෙ
හොද
දොස්තර නැත අම්මේ වාට්ටුවේ
ඩිස්පැන්සරියේ  දොස්තරනම්  පොඩි එවුන්ට ටොපියක්වත් දෙන්නෙ
ඒ හාමුදුරුවන්ගෙ දරුවත් සයිටමටමයි යන්නෙ
නඩු කී නඩ්ඩගෙ පොඩි එකත් දැන් සයිටමේ දෙක වසරේ
හෙද
කලා,වානිජ,ඉන්ජෝන්ගේ  ඩිග්‍රී
දැන් විකිණිලා  බන් අම්මෙ සෑහෙන කල්නෙ
ඔන්න ඔහේ සයිටම ගැන විතරද සිරියලා දැක්කෙ
ඩිස්පැන්සරියේ එකාවත් කවදද බන් බෙහෙතක් අඩුවට දුන්නේ
අපි
දැනගන්නට ඕනෑ හදාගන්ට බන් අපේ ලෝකේ
අපි පත් කරපු එකාලා දන්නවා ඒකයි උන් එය තිතටම කෙරුවේ
දැන් ඇති අනේ බන් උන් ගැන මේ කරුමේ
කරවල හට්ටිය බා පන් බන් රොස්වුනොතින් නොනිවෙයි කුස අද බඩගින්නේ

--------------------------------------------------------
-රෝමාන්තික රස්තියාදුකාරයා-
RomanthikaRasthiyadukaraya/facebook

30 January 2017

රංජන්ට විසිල් ගහමු


                                                             මට මතකයි උඩුවා ලිව්වා මායා බලලා රංජන්ට විසිල් ගහමු කියලා. ෆිල්ම් හෝල් එකෙන් විසිල් එන්නෙ රංජා රගපාන්නෙ ගැලරියට නිසා.බැල්කනියට රගපෑවනම් ඒ විසිල් සද්ද මොකුත් නෑ. ඒත් මට රංජන්ට කියන්න ඕනෙ එක දෙයයි උඹ ගැලරිය වෙනුවෙන් පෙනී සිටිනතාක් අපි ඉන්නවා උඹට විසිල් ගහන්න.
          ඉකුත් දින දිවුලපිටියේ වු සිද්ධිය සම්බන්ධව මට ඇති වූ ගැටළුවනම් රංජන් එක්වරක් සමාව ගැනුමට වැරද්දක් කලේ නම්. දිවුලපිටිය ජනතාව පාරට බහින තාක් ලිඛිතව එවපු ලියුම් අල බහිනකම් පැල කරන් හිටපු ලේකම්වරිය කී වරක් දිවුලපිටිය ජනතාවගෙන් සමාව ගත යුතු ද යන්නයි.

රංජන් - ඔබ තුමිය කියන්නෙ ඔබතුමිය වගකීමක් ගන්න බෑ කියල ද?
ලේකම්වරිය - නෑ...නෑ...මන්ත්‍රීතුමා මන් කියන්නෙ භූ විද්‍යා එකෙනුයි,පරිසර අමාත්‍යංශයෙනුයි කරන්න ඕන ඒවා අපිට කරන්න බෑනෙ.
රංජන් - මන් අහන්නෙ එකදෙයයි ඔබතුමියට මේ සම්බන්ධව කිසිම වගකීමක් නැද්ද කියලා විතරයි
ලේකම්වරිය - එහෙම නෙවෙයිනෙ මන්ත්‍රීතුමා අපිට අනුන්ගේ දේවල් කරන්න බෑනෙ
රංජන් - ඔබතුමියගෙන්  මන් අහන්නෙ ඔබතුමියට මේ සම්බන්ධව කිසිම වගකීමක් නැද්ද කියලා විතරයි
ලේකම්වරිය -  මන්ත්‍රීතුමා භූ විද්‍යා එකෙනුයි,පරිසර අමාත්‍යංශයෙනුයි කරන්න ඕනෙ ඒවා මට කරන්න බෑ

                                 අහන්නෙ එකදෙයකි.කියන්නෙ තව දෙයකි ලේකම්තුමිය කරන්නෙ තමන්ගේ වගකීම ගැන කිසිත් නොකියා යන්නෙ කොහෙද මල්ලෙ පොල් උත්තරයක් ලබාදීමය. ඉන්පසුව දුරකථනය විසන්ධි කරන එතුමිය කරන්නෙ මොකක් හරි ප්‍රශ්ණයක් තියෙනවනම් ලිඛිත එවන්න යැයි පැවසීමය.

23 January 2017

මුදියන්සේ ඉස්කොලේ මහත්තයා(18+)


"දැන් තමුන් ලා මේ වැදගත් දෙමව්පියෝ ඉස්සරහා වැදලා සමාව ඉල්ලන්න ඕන ආයෙත් මේ වගේ අසික්කිත වැඩ කරන් නෑ කියලා."
"මේ ලොකු සර්ටත් වැදපන්"
"අනේ සර් ඉස්කෝලෙන් අස් කරන්න නම් එපා.මන් අපේ එකී ගැන බලාගන්නම්"

ඊයෙ දවාලේ කරුණාවතී මිස්ගෙ පන්තියෙන් ගෙන ආ අවනඩුව පිට්ටනියේ දෙමව්පිය දෙපළත් සමග නොපෙනී යනවා මුදියන්සෙ ඉස්කෝලෙ මහත්තයා බලාසිටියාය. පැවති කෙටි නිහඩතාවෙන් පසු කරුණාවතී ටීචර් නැවැතත් කතා කලේ විස්සෝපයකින් යුක්තවය

"මට ඉංග්‍රිසී පීරියඩ් එකේ පන්තියට ගියපු රූපසිංහ මිස් තමයි කිව්වෙ, කැතේ බෑලු තුරුලු වෙලා ඉදලා තියෙන්නෙ පන්තිය මුල්ලෙ හේත්තු කරගෙන"

19 January 2017

කවුළුව හිර නැත


වැටෙන නොවැටෙන
තැනෙක හිරවෙන
මගේ සිතේ හිස් සිතුවිලි....
කවුළුව අතරින්
නෙත් යොමා බලමි මම
කවුළුවට හිරවුණු
මගේ කම් නැති සිතුවිලි.....
නින්දකුත් නැති
නොනින්දකුත් නැති රැයකදි..........
හිතේ පාලුව නැතිකර යන්නට
හිස් වෙයි වීදුරුවක්..... පුරවමින් දුම් වලා.........
දුම් වලාවට හැකි විය
මට නොහැකි මුත් යන්නට
මගේ බෝඩිමේ කවුළුවෙන් එහා.........

-රස්තියාදුකාරයා-
RomanthikaRasthiyadukaraya/facebook

11 January 2017

රෝමාන්තික රස්තියාදුකාරයාගේ සිට රස්තියාදුකාරයා දක්වා


                                                            රස්තියාදුකාරයාට මීට බොහොම කාලයක් ඉදන් මුහුණ දීමට සිද්ධ වුණු පොඩි ගැටළුවක් තමයි රස්තියාදුකාරයාගේ නම. ඒ කියන්නෙ ඔය "රෝමාන්තික රස්තියාදුකාරයා" කියන එක. රෝමානු කතෝලික ආගම හා මගේ නම පටලවා ගැනීම.මන් බෞද්ධයෙක් ලෙස වුණත් එම කතෝලික ආගමට කරන යම් අසාධාරණයක් කියලා හිතුණා.පස්සෙ සයිඩ් බාර් එකේ මන් ඒ ගැන ලියලා දැම්මා.ඒත් හරි ගියේ නෑ. ඉතින් හැමදෙයක්ම ගැනම හිතලා බලලා මන් තීරණය කරා අන්තිමට "රස්තියාදුකාරයා" කියලා නම වෙනස් කරන්න.
                                මන් ෆේස්බුක් පේජ් එකක් කරනවා කියලා දන්නෙ හත් අට දෙනෙක් වගේ තමයි. එයිනුත් හැමෝම වගේ මන් වැඩ කරන ඔෆීස් එකේ(එයාලටත් මාට්ටු වුනේ ඔෆිස් වෙලාවේ මේක ඔබන්න ගිහින්) හරියට එයිනුත් එක්කෙනෙක් දෙන්නෙක්ට ඇර අනිත් අයටත් ඉහත ප්‍රශ්ණෙම මතු වුණා. බොලොග් එක ගැනත් මට ලියපු සමහර අය අහපු ප්‍රශ්ණයක් තමයි ඕක. ළගදී හිතවත් බොලොග් කරුවෙකු වෙන දුමී පවා මේ ගැන විමසා සිටියා.
         තවත් සරළවම කිව්වොත් මේ බොලොග් එක ගැන හා ෆේස්බුක් පේජය ගැන දන්නා හත් අට දෙනාගෙනේ පස් හය දෙනෙක්ම කිව්වෙ එහෙම අදහසක් එනවා කියලා. ඉතින් මේ ගැන අහන්න පුළුවන් හොදම කට්ටිය තමයි උඹලා.
                   මොකද මන් දන්නෙ වෙන එකෙක් වත් නෑ අඩුම තරමේ බොලොග් කියන්නෙ මොකද්ද කියලවත් දන්න. හුගක් එවුන් "බොලොග්" කියලා වචනයක් අහලා තියෙනවා විතරයි. දන් නෑ (ඔව් ඔව් බන් මන් ඉතින් හද්ද බයියෙක් හැබැයි මහින්ද මාමාගේ බයියෙක් නෙවෙයි) ඉතින් උබලට දැනෙන්නේ මොකද්ද "රෝමාන්තික රස්තියාදුකාරයා" කිව්වම? හිතෙන විදිය කමෙන්ට් කරලම කියහන්කො.

05 January 2017

කුඩයක් ඕනෙමද කෙල්ලේ හදිස්සියකට තෙමෙන්නට(18+)

සීතල සුලගේ ඇවිදින් මගේ හිත අවුස්සන
තෙමුණු කෙස් ටික විත් නිරුවත් පිට වෙලාගෙන
කොට ගවුමේ දිය බ්ංදු නිරුවත් දෙපාත් සිඹගෙන
වහල් කඩත් කෙටි වුනේ හොද වෙලාවට

කිටි කිටියේ හිරවූණු තුන් හතර දෙනාටම
හිරිපොදත් ගැවුවේ මගේ සිතේ හිරි කැඩෙන්නට
ගෑවි නොගෑවී ගෑවෙන ඔය සුරත
අල්ලනමයි හිතෙන්නේ කෙල්ලේ ඉවසුවනම් ඇති දැන් හොදටම

හරි වැස්සක් නොවැ වහින්නෙ හිතුවෙවත් නැති කල
කියා විමසුවේ නූබමයි මන් හිටියේ බොරු වැදගත් කමට
ගෑවි නොගෑවි අතිනුත් ගසමින් සිනාසෙන
නුඹ නම් හරි ලස්සනයි කෙල්ලේ මත් වී මන් දැන් හොදටම