බ්ලොග් ලියන්නියක් ලියපූ අපූරූ ගීයක්

                                   අයින්ස්ටයින්ලා පිරුණු ලෝකෙක වැලන්ටයින් කෙනෙක් වෙන්න ලේසි නෑ. මොකද ලෝකෙම හමන්නෙ එකම සුළග ඒ සුලගට බර දීලා මෙගොඩට පීනන වැලන්ටයින් කෙනෙක්ට ආදරේ කරන කෙල්ලො ඉන්නවද? ඔව් ඉන්නවා ඒ තමයි හැඩකාර සුකුමාල නොරිකො සං......                                                                                                                                           මට මේ නොරිකො සං හම්බුනේ පසුගිය දවසක අහන්න හම්බුනු ශානිකා ශෂිප්‍රියාගෙ පට්ට පදමාලවක් එක්ක හැඩවුණු ගීතයක් නිසා. ඔව් ශානිකා ශෂිප්‍රියා බොලොග් වල අපි කවුරුත් දන්න සොදුරු සදවතී තමයි ඒ... බොලොග් ලියපු....කවි ලියපු....... ඇය දැන් ගීතත් ලියනවා පියවරෙන් පියවර ඇය යන ගමන ගැන සහෝදර බ්ලොග් කරුවෙක් ලෙස පෞද්ගලිකව මට තියෙන්නෙ ලොකු සතුටක්. ඒ නිසා ප්‍රථමයෙන්ම ඇයට මන් සුභ පතනවා මේ වගේ පට්ට පදවැල් ටිකක් ලස්සනට ගැලපුවට.     
                

              "මලගිය ඇත්තො" සරච්චන්ද්‍ර ලියපු ජනප්‍රියතම නවකතාවක් වුණාට. මට එහි එන දෙවෙන්දොරො සං ගැන තියෙන්නෙ මහ අලස හැගීමක්. ගැහැණියක හා ප්‍රේමයෙන් බැදී ඇයගේ සුකුමල බව පමණක් දකිමින් ඇය හා එකම නිවස්නයක කෙසේනම් වසම්ද. ඇයගේ ස්පර්ශයවත් නුරාවක් නොගෙනෙන්නේද.? අඩුම තරමින් එකම එක දෙතොල් සිප ගැනීමක්වත්.....????? මට මුල් කෘතිය කියෙව්වම හිතුණේ දෙවොන්දරා සං ලිංගික බෙලහීනතාවයකින් පෙලෙන්නෙක් විදියට. ඒ අලස බව නිසා දෙවොන්දොරො සංට මන් ආශක්ත වුනේ නෑ.

සීතල හිම කැට විසිරුණු
තුරු හිස් අග මල් නොපිපුණු
සොහොන් ගැබක හිත හිරවුණු
දෙවොන්දරා සං
මළවුන්ගේ අවුරුද්දට කලින්ම මම එන්නම්
ආතුර වුනු ඔය හිත මත සෙනෙහස තවරන්නම්....

                                        මේ පදවැල් වල ලියලන්නෙත් ඒකම නෙවෙයිද???? හැබැයි ඇත්තටම ඒ එහෙමනම්....ඇයි එහෙමනම් නන්දා මාලිනී කියන්නේ "ප්‍රේමයනම්...රාගයෙන් තොර සද එළිය සේ අචින්තයි, පාරිශුද්ධයි, සුරම්යයි" කියලා... ඇත්තටම ඒක එහෙමද? ඔව් සමහර විට ඇත්ත වෙන්න ඇති.
                                                        සමහර ගැහැණුන් සම්බන්ධ ප්‍රේම සිතුවිලි වලට නුරාව දශමයකවත් නෑ.හැබැයි සිතුවිලි සුරම්‍ය වුණාට.... ස්පර්ශයක්දි එය සාමකාමී වෙන්නෙත් නෑ. ඒත් අපි අවට  තියෙන සංස්කෘතික බැදීම් අපිව හික්මවනවා හරියට විරාගයේ අරවින්ද වගේ.....

සකුරා මල් පෙති ඉහිරුණු
මල් පාරේ අපි ඇවිදපු
නුඹේ සෙනෙහෙන් මා සැනසුණු

ඊටත් වැඩියෙන් හඬවපු

ඒ මතකයෙ කඳුළු අරන් මං හනිකට එන්නම්
තනිවුනු ඔය හිත ළඟ තනියට හිඳින්න එන්නම්....

දෙවොන්දරෝ සං  කියන්නෙ කලින් පැවිද්දෙක්  ඉතින් ගිහි කලත් ආ හික්මීම ඔහු ලබන්න ඇත්තෙ  ඒ පැවිදි දිවියේ අභාසයෙන් වෙන්න ඇති. මුල් පද ටිකෙන්  මන් මුලින් කියපු අලස බව කියලා දෙවැනියට ඈ කියන්නෙ චමත්කාර ජනක ප්‍රේමයේ මටසිළුටු අතීතයේ ප්‍රේමණීය මතකයන්ගේ ඔත්පල වුණු නොරිකො සං ගේ සිතේ ව්ප්පයෝගය නෙවෙයිද?

සුබෙකි මලක පිණි තැවරුණු
කබුකි හලක අපි නැලවූණූ
සකේ බිංදුවක් මුහුවුණු
කොපුළක් උනුහුමට ගැහුණු
ඒ මතකයේ සුවද අරන් මං හනිකට එන්නම්
වැළලූනු අපේ ආදරේට ආයෙත් පණ දෙන්නම්...

ආදරයක් කියන්නෙ වෙන මොකුත් නෙවෙයි කෙනෙක් හා බැදීමක් ඇති වූ පසු වෙන්වීමක් ගැන සිතන්න බැරිනම්..... හිමි අහිමි ආදර කතා දහසකුත් මැද ඔහුගේ මතකය "අනේ තවත් මා ලගම තිබුණාන්" යැයි කියලා සිතෙනවානම් ඒ තමයි ආදරය කියලා නොරිකො සං කියනවා......ඔව් ඒක ආදරේ වෙන්න ඇති කියලා මටත් හිතෙනවා. 

                                 ගීතයක් පදයෙන් පදය මේ වගේ තමන්ගෙ කරගෙන විදින්න පූළුවන් කියන්නෙ. ගිතය ලියන්නාගෙ මැජික් එකට අපි හව්වෙලා තියෙනවා. ඔව් ඒ මැජික් එක ඔස්සෙ අපි අපිවම මේ ගීතය තුළීන් කියවනවා. අපිට ආදරය නොයෙකුත් තැන් වලදි හම්බෙනවා. ඒත් බොහෝ තැන් වලදී ඒක හම්බෙන්නෙ පාහන්න බැරි තැන් වලදි....ඔව් නොරිකො සංටත් උනේ ඒකම.......

                           එක්කො ජාතිය,ආගම, වයස, දැනටමත් තමන් හෝ අනෙකා කෙනෙකුට අයිති කෙනෙක් වීම හින්දා දහසක් ආදර හිත් ජීවත් වුනත් සිත යටින් තැවෙන මල හිත් වෙනවා ඒ මල හිත් මානසිකව තනාගත්ත ලෝකයකදී ඔහුනොවුන් හා ආදරේ කරනවා......... ඉතින් එවන් මල හිත් ඇති මලගිය ඇත්තන් මලවුන්ගේ ලෝකයක් තනාගනිමින් සින්තැටික් ලෝකෙකදී වැලන්ටයින්ලාට ප්‍රේම කරනවා.

                               මේක කියන්නෙ පවරි අමරසා කියලා හැගුම්බර හඩක් තියෙන ලක්සන ගෑල් ළමයෙක්. ඇයගේ දායකත්වය මට දැනෙන විදියට උපරිමයි. සංගීතය ගත්තොත් දර්ශණ වික්‍රමතුංග.ඒක අඩුත් නැති වැඩිත් නැති සංගීතයක්. තනුවත් අගෙයි. ඒත් සම්ප්‍රදායික රාමුවෙන් ඔබ්බට සංගීතයෙත් වෙනසක් කරන්න හැකියාවක් තියෙන ගීතයක්. ඇත්තටම සංගීතය තුලනම් මේ ගීතයට කරන උපරිමය නොවෙයි කරලා තියෙන්නෙ කියලා මට හිතෙනවා.

                      කොහොම හරි මේ මට "සීතල හිම කැට විසිරුණු" කියන  සුන්දර ගීතය දැනුනු විදිය. ඔබේ දැනීම මටත් වඩා හාත්පසින් වෙනස් ඇති. පුළුවන්නම් ඒ පිළිබදව ඔබේ බ්ලොග් එකෙත් පළ කරන්න. අපිට පූළුවන් වෙයි මලගිය ඇත්තන්ගේ ලෝකය පිළිබද අලූත් කතිකාවතක් ගොඩනගන්න.......

-රෝමාන්තික රස්තියාදුකාරයා-

RomanthikaRasthiyadukaraya/facebook