ආදරයක් සහ ආදරයක් (කෙටිම කෙටි කෙටි කතාවක්)

                                                             දැන් තමයි මුහුද ගොඩක්ම ලස්සන වෙරළට ඒළිය දෙන්නෙ හදත් තරු කැට ටිකත් විතරයි. කකූළුවෙක් අල්ලන්න ටෝච් එකක් පත්තු කරන් යන එකෙක් මිස කවුරුත්ම නෑ. ඒ ගුප්ත අදුර...ලවණ මුහු වෙච්ච හිරිකඩ හුළග.... සට සට ගාලා වදින කොට මිලියා පිස්සෙක් වගේ ප්ලාස්ටික් කෝප්පයෙ භාගයක් පිරවෙන්න ආයෙත් අරක්කු හලා ගත්තා. ඌ බොනවා..... පිස්සෙක් වගේ බොනවා. කදුලු බේර බේර ආයෙත් අඩනවා....

"අඩන්නේ ගෑණූ...අඩන්නෙ නැතුව ඉදපන්"

                                               ඒත් ඌ අඩනවා... උගෙ දුක කියනවා. සුළගයි,බීමයි,දුමයි එක්ක වෙනමම ලෝකෙක වගේ ඉන්න මම ඌව සනසනවා. ඒ ලෝකෙදි හද එළිය පාර කියනවා.  පලසක් වගේ උඩ ඇතිරිච්ච තරු කැට ඇස් අග්ගිසෙන් බොද වෙලා පේනවා. මන් ඌව ආයෙත් සනසනවා. 

"ඔහොම තමයි බන් මොනවා කරන්නද ගෑණු යනවා"

"මන් මොනවා කරාටද බන් ඒකි යන්නෙ"

"ඒකි වේසියෙක් බන් තේරුම් ගනින්"

කෙල්ල මුලින්ම ටියුෂන් ක්ලාස් එකකදි එහා පැත්තෙ බංකුවේ වාඩිවෙච්ච විදිය. ඒකි ඇන්දම ගොඩක් ලස්සනට ඉන්න ලා දම් පාට ගවුම, බස් එකේ මුලින්ම අත් අල්ලන් ගියපු හැටි, ඒකිව මුලින්ම බදාගත්ත හැටි ගොඩක් දේවල් ඌ කියනවා. අඩ අඩා...... ඌ කියනවා.....

"මන් ඒකිට ගොඩක් ආදරෙයි බන් මන් ඒකිව මරනවා නැත්තම් ඌව මරණවා"

මන් දන්නවා ඔය දෙකම කරන්න තරම් හයියක් උගේ හිතට නෑ.මම මොකුත්ම කිව්වෙ නෑ ප්ලාස්ටික් කප් එකේ ඉතුරුවුණු උගුරක් ආයෙත් හලාගත්තා.

"මන් එකි මරණ එක මරණවමයි"

වැටි වැටී නැගිට්ට මිලියා හිස් වෙච්ච බෝතලේ ඔරුවෙ අවර තල්ලට ගැහුවා කුඩු වෙන්නම. ඌව නවත්වන්න තියා නැගිටගන්නවත් පණක් මට තිබුන් නෑ. මන් කොහොමහරි ආයෙත් නැගිටලා විදූරු කටු පාග ගන්න ඉස්සෙල්ලා කොල්ලෑවේ ඉහත්තාවෙ ඇල කරා. වත්තන් කරගන්නකොට බිමට වැටුනු ෆෝන් එකත් ඌට බැන බැනම උගෙ ඔඩොක්කුවට විසි කරා.

"මැසේජ් විසිගානක් තියෙන්නෙ බට කාගෙන්ද ඔය"

"ගොනගෙන්"

"ආශාද?"

"ඔව්"

"උබ තාම අදිනවද ඕක"

"ඔව් ඔව්"

                                               උගේ තිබුනේ නොරිස්සනු පෙනුමක්. ඇත්තටම මන් ගත්තෙ අදාළ නැති මාතෘකාවක්. ආදරයෙන් අන්තයට පරාද වෙලා කිසිම දවසක කදුලක් නොහලපු ඒ ඇස් වලින් ඌ අඩනකොට මන් කොහෙවත් යන බඩුවක් ගැන උගෙන් අහනවා. කොහොමත් කරිජ්ජ හුළගට මගේ ඕළුව හොදම ගානට කැරකෙන්න අරන් තියෙන්නෙ

                              ඒ ෆෝන් ඒකෙ අන්තිමට තිබ්බෙ "ඔයා රෑට කෑවද පැටියෝ" කියලා මැසේජ් එකක්. නිකන් වෙලාවකනම් වරු ගානක් උනත් ඇති අපිට ඒක ඌව බයිට් කරන්න. ඒත් මූ පිස්සෙක් වගේ අඩද්දි අර කෙල්ල මත්තෙම පිස්සුවෙන් වගේ නහිද්දි මට කරන්න ඕනෙ වැටෙන්න නොදී උගෙ හිත හදන එක.

"හුත්තො අමතක කරපන් ඕකිව" මන් ඌ ගාවම වැල්ලෙ වැටෙන ගමන් කිව්වා

"කොහොමද බන් එහෙම කරන්නෙ.මන් ඒකිට කොච්චර ආදරේ කරාද බන්"

"ෆෝනුයි,පන්ති කාඩුයි, අරකයි, මේකයි.....මන් කිව්වා බට ඔච්චර වියදම් කරනකොට........ නෑ කියපන් පූලූවන්නම්...???"

"මටත් තිබ්බෙ බන් වෙන එවුන් වගේ කොහෙට හරි ඇදලා ඕකිගෙ කඩලා දාන්න"

"කැඩුවා...නැතා....කියලා නෑ බන් බැදපු ගෑනුත් පිට යන්නෙ"

ආයෙත් ඌ හේතුවක් නැතුවම අඩන්න ගන්නවා. පොඩි කාලෙ ඉදන් එකට හිටපු එකා අඩනවා පිස්සෙක් වගේ....කවදාවත් ඌ මෙහෙම අඩනවා මන් දැකලා නෑ. ඒ හින්දා ඒ ඇඩිල්ලෙන් කාටත් වඩා හිත තෙත් වෙන්නෙ මගේ.......

"ඒකි ගොඩක් ලස්සනයි බන්" ඌ ආයෙත් බමණ මතේ වැටි වැටී කියනවා..........

"ලස්සන කන්නද යකෝ තොට මෙච්චර බොරුවක් කරලා තියෙද්දි"

                                                        ඒ කෙල්ලගෙ නම නුරංගි. ඉස්කෝලෙ යන කාලෙමයි යාළු වුනේ. පෙනුමෙන් විතරක්ම නෙවෙයි. ඉගෙනීමෙනුත්  නුරංගි හිටියෙ මූට වඩා ගොඩක් ඉස්සරහින්. මන් කිව්වා ඌට කට කැඩෙනකම් ඒ කාලෙදිම ඔච්චර බොක්කෙන් කරන්න යන්න එපා කියලා.  

                               නුරංගිත් එක්ක රණ්ඩු වෙච්ච දවසක ඒ තරහ හිතේ තියාගෙන කොහෙවත් යන පොඩි දේකට අම්මත් එක්ක රණ්ඩු වෙලා පල්ලෙහා කාමරේ වීදුරුවට අතින් ගහලා ලේ ගලන තුවාලත් එක්ක මහ රෑක ඉස්පිරිතාලෙට ගියපු දවසෙ තමයි මට තේරුණේ මූ මේ කෙල්ල හින්දා පිස්සෙක් වෙන්නයි යන්නෙ කියලා. පව් හිත හොද එකා ඌට වැරදුනේ අවංකවම කෙල්ලෙක්ට ආදරේ කරන්න ගිහිල්ලා.

                                                                                         ඌ දණින් වැටී වැටී මුහුදට යන්න හදනවා. මාත් වැටී වැටී ගිහින් ඌව අල්ලගත්තා.

"ඇයි යකෝ ඔහොම පිස්සෙක් වෙන්න හදන්නෙ"

"මන් ආදරෙයි බන් මගෙ පණට.....මට ඒකි නැතුව බෑ බන්.කොහොමද බන් මන් හෙට නැගිටිද්දි මගේ පණ ඊයෙ වගේ මන් ගාව නෑ කියලා විශ්වාස කරන්නෙ. කොහොමද බන් නුරංගි වෙන බල්ලෙක් එක්ක මාත් එක්ක මැසේජ් කරා වගේ හුරතල් වෙවී මැසේජ් කරනවා කියලා හිත හිතා....හිත හදාගෙන ඉන්නෙ....මට කියපන් මදුවා කොහොමද මන් එහෙම මගේ හිතෙන් හිතන ගමන් හිත හදාගන්නෙ"

                                              උගේ කදුලු වලින් තෙත් වෙන්නෙ උගේ ඇස් විතරක් නෙවෙයි....අර බැල්ලිගෙ වැඩ වලින් රත් වෙන්නෙත් උගේ ලේ විතරක් නෙවෙයි.  ඒකි කොළඹ ගියා ඉගෙනගන්න ස්ලිට් එකට....අලුත් මිනිස්සු හම්බුනා.....මිලියට වඩා ඒකිගෙ ලස්සනට,ඉගෙනීමට වටිනාකමක් තිබ්බ තැනක ඒකි නැවතුණා.ඔව් සල්ලිත් එක්ක පෙනුමත් තියෙන තැනක ඒකි නැවතුණා.

"මදුවා මට කෝල් එකක් අරන් දියන් නුරංගිට මදුවා.....මදුවා මගේ පණට කෝල් එකක් අරන් දියන් මදුවා"

"මගේ නම්බර් එකත් ඒකි බ්ලොක් කරලා බන්"

                                                                      පව් අද හවස ඉදන් ඒ බැල්ලි මගේ නම්බරෙත් බ්ලොක් කරලා. මුගේ ඇඩිල්ල බලන් ඉන්න බැරි තැන මට හිතෙනවා....ඉන්න තැනකට ගිහිල්ල අරකිට කන රතු වෙන්න දෙකක් දීලා එන්න. කොහොමත් ප්‍රශ්ණ ආවෙ ටිකෙන් ටික. ඒකි මූත් එක්ක සම්බන්දෙ තියෙනකොටම තමයි අරුත් එක්කත් සම්බන්ධයක් පටන් අරන් තියෙන්නෙ. ගමේ ඇවිල්ලා ඒකි මූව හම්බෙන හැම පාරම ඒකිගෙ ඉන්බොක්ස් හැමදාම ෆුල් ඩිලෙට් වෙලා තියෙනකොටයි මූට සැකයක් මුලින්ම ආවෙ.

"මට තව බොන්න ඕනෙ මදුවා....මට තව බොන්න ඕනෙ..."

"ඇති බන් දැන් පාරකවත් යන්න පනක් නෑ මට"

"ප්ලීස් මට එහෙනම් මැරෙන්න දියන් මදුවා ප්ලීස්"

"ගෑණු කියන්නෙ වල්ම ජාතිය බන් උන් උන්ගේ වැඩේ කරගත්තයින් පස්සෙ ආයෙත් උඹ ඕන වෙන්නෙ නෑ"

"මන් කොච්චර දේවල් කරාද බන් ඒකිට..?? කාටද පුළුවන්  මදුවා මන් තරම් ඒකිට ආදරෙ කරන්න"

                                                   මේ තත්වෙන් මන් කොහොමද මූව ගෙදරවත් ඇරලවන්නෙ හිත හොද එකා...අද හිත හොද හින්දම කොහෙවත් යන හිතක් පපුවක් නැති එකියකට අවංකවම ආදරේ කරලා අද ඌ විනාශ වෙන්න හදනවා. ගෑණු කියන්න හිතක් පපුවක් තියෙන එවුන් නෙවෙයි. ඉන්න එකාගෙන් ගන්න පුළුවන් උපරිම ප්‍රයෝජන අරන් තව එකෙක් ගාවට කිසිම හිතක් පපුවක් නැතිව යන කාලකාණ්ණි ජාතියක්. ඒ ලෙවල් ටියුෂන් ක්ලාස් ඔක්කොටම කාඩ් එක අරන් දුන්නෙ මූ. ස්ලිට් එකේ කෝස් එක පටන් ගන්නකොටත් මූ සල්ලි දුන්නා. ඒ මූ හම්බ කරපු සල්ලි....නැත්තම් මුගෙ ගෙදරින් මූට හම්බුනු සල්ලි....   

                                             

                                     ඌට කෝල් එකක්. කොල්ලෑවත් එක්ක ඇදුණු වියලට බර දීලා ඔඩොක්කුවෙන් බිමට වැටුණු ෆෝන් එක අතට  ගත්ත ඌ කුණුහර්බෙන් බැනගෙන බැනගෙන ගියා.

"මේ පට්ට බැල්ලිට ගන්න එපා කිව්වට අහන්නෙ නෑ" මිලියා ෆෝන් එක කට් කරලත් හොදටම කුණු හර්බෙන් බැන්නා........
"කව්ද"
"ගොන බන් ගොන"
"ආශා ද?"
"ඔව්"

"වැඩක් පලක් කරගත්තනම් ඕක අයින් කරපන්" ආයෙත් ඔරුවෙ අවරෙ තල්ල පැත්තට වැනි වැනී යන්න හදන මිලියා බෝතල් කටු වලට කකුළ කපාගන්න ඉස්සෙල්ලා.  ඌ වත්තන් කරන් එනගමන් මන් ඌට කිව්වා.

                                    බල ඔරුවෙ බද අමාරුවෙන් බදාගෙන ඔරු තල්ලෙ වාඩි වෙලා කකුල් දෙක පල්ලෙහාට දාගෙන මන් ලොකු හුස්මක් ගත්තා.කරිජ්ජ හුළගට තොල් දෙකත් ලුණු රහයි. ඔම්ලට් එකත් එක්ක බීපු අරක්කු වල සුවදට මටම ඔක්කාරය වගේ. තනියම කියවා කියවා කොල්ලෑව පල්ලෙහා ඌ නිදි. පව් අහිංසකයා...ඌ කවදාහරි අංගුලිමාල වුනොත් වෙන්නෙ ඒ පට්ට වේසි හින්දා............

***********************

ප.ලි. -  අපි කවුරුත් ආදරේ කරන අපේ හිතවත් "සොදුරු සදවතී" මේ කතාවට මන් කිසිලෙසකින්වත් බලාපොරොත්තු නොවු තැනකින් පිලිතුරු කතාවක් ලියලා. ගැහැණියකගේ හිත කියවන්න පුළුවන් ගැහැණියකටම හැර වෙන කාටද???? මේ සොදුරු සදවතියගේ අපූරු කෙටි කතාව බලන්න මෙතන ක්ලික් කරන්න.