කණ්නාඩි දාපු ලස්සන කෙල්ලෙක්

                                        ඔව් මන් කියන්න යන්නේ කතාවක් ඒක රස කතාවක්වත්,දුක හිතෙන කතාවක්වත් නෙවෙයි. තාම ඒක ස්පන්ධනාත්මක කතාවක්.මොකද මේ කතාව තියෙන්නෙ අතීතයේවත් අනාගථයේවත් නෙවෙයි. වර්ථමානේ සහසුද්දෙන්ම මේ දැන්. මන් ඉන්නෙ ලැපට බර දාලා කොටන ගමන්, ස්ටේශමේ. එතකොට කෙල්ල ඉන්නෙ මට ඉස්සරහින්. දැන් තේරෙනවා ඇතිනේ මේක තාමත් ස්පන්ධනාතමකයි. 

                                                            මගේ ලැප් එකේ වැදගත් කියලා දේකට තියෙන්නෙ එක්සෙලුයි, වර්ඩ් එකයි , අඋට් ලුක් එකයි විතරයි.ඒත් කෙල්ල ඒක දන්නෙ නෑනෙ. මන් හදන්නේ කෙල්ල ඉස්සරහා ලැප් එක දාගෙන සමාජීය චින්තනයේ මිලේනියම් පොශ් පොරක් වෙන්න. ලැපට කැපෙන වාරිකේ නිසා මාසේ අන්තිමේට ලෙල්ල හුටං වෙන්න එරෙන බව කෙල්ල දන්නෙ නෑනෙ. ෆ්බී එකේ "බොරු සෝබන නැති මගේ ජීවිතේ දාහෙන් සම්පතක්" කියලා අමු රැඩිකල් වදන් ශෙයාර් කරාට. පට්ට කෑල්ලක් ලයින් කරගන්න මේම කරන්න වෙනවා. හරි සිත නිවන කතාවක් වෙන්න පුළුවන් කොහොමත් මේම දැන් වෙනවා.

                                                       මේ මගේ හිතේ ඉපදුන අතිශය කුළුදුල් නොඉදුල් පනස් නවවෙනි ඒකපාර්ශවීය ආදර කතාව. පටන් ගත්තේ මීට පොඩි කාලෙකට කලින්. එයා කණ්ණාඩි දාන ටිකක් බෝල හද්ද නිව්ටල් වගේ පේන කෙල්ලෙක්. එයා එනකොට ට්‍රේන් පරක්කුයි. මන් දැක්කා එයා කීප දෙනෙක්ගෙන්ම මොකක් හරි අහනවා...... අන්න එතකොට මන් ෂර්ලෝක් හෝම්ස් වුණා. අදුරන්නැති මිනිස්සුන්ගෙන් කෑවද බිව්වද අහන්නේ නෑනෙ. එයා අහන්න ඇත්තේ ට්‍රේන් ගැන තමයි. අන්න පොයින්ට් එක. දැන් ගියපු ට්‍රේන් එක අදුනගන්න බැරි වුණා කියන්නෙ එයා අලූත් කෙල්ලෙක් ඔව් සහසුද්දෙන්ම අලුත් කෙල්ලෙක්.මන් කිව්වෙ ට්‍රේන් වලට අළුත් කෙල්ලෙක්.
                                           තවත් ළං කරොත් අළුත් ජොබ් එකක්.......අළුත් තැනක්... කෙල්ලෙක් දැක්කම ඇගපත නලියන ගව්ගානක් දුරින් හිටියත් කතාකරලා සීට් එක දෙන ඇඹලයෙක්ට අවුවෙන්න කලින් මන් එයත් එක්ක කතා කරන්න ඕන. ඒත් එකපාරට කතා කරන්නත් බෑ.එහෙමයි කියලා එයාව දැක්කම නොබල ඉන්නත් බෑ.මොකද එයා ගොඩක් ලස්සනයි.....................

                                              මන් ලැපට කොටන හැටි දකින උන් හිතනවා ඇති මන් හෙන බිස්නස් ඩීල් එකක් ගැන චැට් එකක් වෙන්න ඇති කියලා,නැත්තම් සොෆ්ට්වෙයාර් සම්බන්ධ මොකක් හරි ප්‍රෝග්‍රෑම් එකක් ලියනවා ඇති කියලා නේ....පිස්සුද උන්ට ගානක් වත් නෑ.ඒත් අපි හිතන විදිය හෙන පව් නේ.
                                                       අඩුමගානේ කෙල්ල මේ පැත්ත බැලුවෙවත් නෑ. ඒත් විශ්වාස කරහන් මේ දවස් දෙක තුනක් යන්න ඉස්සෙල්ලා මන් ඒකිට පන යන්න ආදරේ වගේ එකක් කරනවා. සමහරවිට ඒක ආදරයක් වෙන්නත් පුළුවන් තවත් වෙලාවකට ආකර්ෂණයක් වෙන්නත් පුළුවන්. ඒත් ආකර්ෂනය කියන දේට නිර්වචනයක් තිබ්බත් ආදරේ කියන එකට නිර්වචනයක් නෑනෙ.ඒක හින්දා මන් දන් නෑ හරියටම. හැබැයි ආදරය කියන එක හෙන බොළදයි වගේ නේ.ඒ නිසා මේක නිකන් ආකර්ෂණයක් කිව්වම මගේ ඇග බේරගන්නත් ලේසියි.
                            ඒ වගේම මගේ හිතේ ඉපදුන අතිශය කුළුදුල් නොඉදුල් පනස් අටවෙනි ආදර කතාවත් ඉවර වෙලා පොළවට පස් වෙලත් ඉවරයි......ටික කාලෙකට ප‍ස්සෙ ආයෙත් හදවත සට සට ගාන්න අරගෙන, හ්ම්ම්ම් ආදරයක් ආයෙත්.....සමාවෙන්න ආකර්ෂණයක්. මොනව වුනත් මට ෂුවර් සමහර වෙලාවට මන් මේ කෙල්ලගේ හතරවෙනි කසාදේ පස්වෙනි දරුවා වගේ වත් හම්බෙන කාලෙකදිවත්  ළගට ගිහිල්ලා කතා කරන්න ධෛර්යක් මගේ හිතට ආවොත් ඇති.

මතු සම්බන්ධයි
(ඊළග සතිය වෙනකොට මේ කෙල්ල කොල්ලෙක් එක්ක ස්ටේශමට නාවොත් මේ කතාවට ඉතිරියක් තියේවි)

-රෝමාන්තික රස්තියාදුකාරයා-

මේ ඒක නෙවෙයි මට හම්බුනා අහම්බෙන් වගේ අලුතෙන් හදපු මරු බොලොග් එකක්. පට්ට හින්දයි පට්ට කිව්වෙ ආයෙ බොරු නෑ. ගිහිල්ලා  ඒ කෙල්ලටත් පොඩි සප් එකක් දීලා එන්න. කෙල්ලෙක් නේ අන්න ඒකයි :-) කෙල්ලෙක්ව මේ කාත් කවුරුත් නැති බොලොග් ලෝකෙ අතරමන් කරන්න බෑනේ.ගිහිල්ලා කමෙන්ටුවක් දාලා එන්න මේ තියෙන්නේ බොලොග් එක අරූගේ ලෝකය - World of aru